Mov nomme Inga Maret Solberg Åhrén jïh leam 19 jaepien båeries. Manne reakadamme jïh byjjenamme Romsesne, men maanabaelien leam Guovdageaidnusne orreme jïh såemies boelhkh aaj internaatesne Snåasesne. Daelie Kongsbakken jåarhkeskuvlem illeme Romsesne jïh damtim manne daarpesjim ånnetji realfaagijste jïh skuvlen aarkebiejjeste lïegkedidh.
Mov aehtjie bovtsh åtna Saepmien sveerjen bielesne guktie desnie leam jïjnjem orreme, joekoen giesege, giesien ellen bööremes tïjjen, gidtjh mïerhkesjimmie. Eatnamisnie jïh vaeresne manne tjarke tråjjedem. Jienebelåhkoe Romsesne, gusnie leam byjjenamme leah nöörjen, mearan muvhth leah saemieh. Mov aarkebiejjien dïhte nöörjen jïh saemien identiteete leah sinsitnine gårreldahkesne. Dagke ij leah naemhtie gaajhkesidie mah siebriedahkine byjjenieh gusnie dïhte saemien ij leah jienebelåhkoe, men manne sïjhtem vuesiehtidh man hijven gåarede jieledh gåabpaginie bieline læjhkan.
Juktie leam Romsesne byjjenamme gusnie doh jeanatjommesh leah nöörjen leam daamtaj tjoereme tjïelkestidh jïh soptsestidh saemien kultuvren bïjre. Saemien kultuvre lea stoerre jïh gellielaaketje jïh gelliej joekehtsigujmie, jïh manne tuhtjem vihkeles dam soptsestidh. Dan åvteste dan joekoen hijven aktem barkoem utnedh gusnie åadtjoem dan saemien bïjre soptsestidh. Lissine gïele jïh båatsoe aaj stoerre aarvoem munnjien utnieh.
Manne gegkestem daate jaepie goh tsïegle akte hijven jaepie sjædta gusnie åadtjoem buerebe daajroem dan saemien bïjre vedtedh noeride Nöörjesne. Lissine gujht åadtjoem jïjtje aaj lïeredh, dovne jïjtjene bïjre jïh jeatjah aati bïjre.
Njieljie varke gyhtjelassh:
1. Maam 10 jaepine darjoeh?
Luhkine jaepine manne gegkestem leam jïjnjem lustem dååjreme jïh barkoem jïh aarkebiejjiem åtnam mesnie tråjjedem. Lissine gegkestem manne væjkalåbpoe sjïdteme sjeakodh jïh aareh tjuedtjielidh. Lij aaj hijven orreme jis vielie vissjeles sjïdteme vytnesjimmine.
2. Maam darjoeh jis naaken datnine flöörtede aktene håaloemisnie datne höölth?
Sååjhtoe manne varke bååstede vaestedem aktine lahtestimmine, men im vïenhth dan jïjnje vielie sjædta.
3. Mah tv-raajroeh sïjhth hotellesne vuartasjidh gosse dov lea astoeaejkie skuvlevaaksjomi gaskem?
Manne dan joekoen nåake meatan fulkedh raajrojde, joekoen jis dah leah guhkie jïh jienebi boelhkigujmie. Vuestelen podkasth goltelem! Akte mov lyjhkedepodkastistie lea Synnøve jïh Vanessan podkaste jïh Friminutt.
4. Maam saemien åahpetjidie datne buaresjh?
Hmm, geerve gyhtjelasse, ij leah dan joekoen budtsie-baedtse dagkerh. Men lyjhkem Kitoken teeksth jïh Maxida Märeken musihkem. Lissine hævvi luste meatan joejkedh Felgen Orkesteren musihkese.