Mov nomme Eli Karianne Vesterheim Hætta jïh manne 20 jaepien båeries. Manne aktene onne sijjesne byjjenamme, 1,5 mïjlh Guovdageaidnun jarngen ålkolen, man nomme Biltasletta. Dennie plaave gåetesne leam abpe mov jieledem orreme, jïh eatneme bïjre jarkan mov paradijse orreme. Hïejme iktegisth desnie orreme. Men damtem mov lea akte mubpie hïejme aaj. Sijjesne Kvitfors Skániiden (Skånland) tjïeltesne. Gåetesne aahkan luvnie. Kvitforsesne leam gaajhkh giesieh orreme, jienebh jåvleiehkedh, jïh gellie jeatjah eejehtalleminie. Dan åvteste sïjhtede vuejnedh mov leah dovne Guovdageaidnu-gapta jïh Ofoten/Åarjel-Romsan-gapta.
Guovdageaidnusne dovne maana-, noere-, jïh jåarhkeskuvlem illim. 2017 væhnadimmine tjåadtjoejim gïetesne, jïh joekoen riejries akten orre heamturasse. Romsesne åadtjoejim dååjredh aktem staeries barkoem utnedh. Manne fïerhten biejjien barkimh medtie 11 askh aktene privaate maanagïertesne såålen åarjelraedtesne. Akte joekoen gieltegs jïh lïerije jaepie!
Daelie orre heamture aalka. Dïhte nïekedasse maam dan guhkiem åtneme lea dellie maaje saatnan sjïdteme, jïh dellie maaje mov tsïeglejaepie vuarta. Manne stoerre earoem jïh garmeresvoetem damtem gosse daam nuepiem åådtjeme bïjre jarkan mïnnedh jïh mov kultuvren bïjre soptsestidh. Manne aavodem vuejnedh maam daate jaepie buakta, jïh daelie guhkiem mænngan manne dan jïjnjem mïsse akt aavoedamme.
Njieljie varke gyhtjelassh:
Maam darjoeh 10 jaepine?
Wow, im rikti daejrieh. Nïekedasse båetijen aajkan daelie lea dan jïjnjem fealadidh goh gåarede, jïh dan jïjnjem veartenistie vuejnedh goh gåarede. Lissine gegkestem manne leam ööhpehtimmine aalkeme mïsse stoerre ïedtjem åtnam. Dagke dovne jïjtse gåetiem åasteme. Manne pryövem spontane årrodh, jïh im dan jïjnjem soejkesjh.
Maam darjoeh jis naaken datnine flöörtede aktene håaloemisnie datne höölth?
Jis naaken dam dorje dellie hævvi dam vaaltam goh akte komplimente. Jis naaken lea lissie veekes, maahtam mån aelkedh flöörtadidh manne aaj.
Mah tv-raajroeh sïjhth hotellesne vuejnedh gosse dov lea astoeaejkie skuvlevaaksjomi gaskem?
Manne raajroeh eahtsam, jïh leam ååpsen gellieh vuajneme. Raaktan daelie Breaking Bad vuartesjem dan vïjhteden aejkien, vïenhtem. Lissine dagkerh lustes raajroeh. Jis nahkeren jïh im vissjh dan veelelaakan vuartasjidh, men læjhkan maam akt sïjhtem mij duekesne jåhta, provhkem Friends jallh How I Met Your Mohter vuartasjidh, men jis sïjhtem maam akt joekoen gieltege utnedh, dellie vuartesjem Game of Thrones.
Maam saemien åahpetjidie datne buaresjh?
Tjoerem badth mietedh manne tuhtjem gaajhkh baernieh baantesne Felgen Orkester leah joekoen tjaebpie, joekoen dïhte tjoevkes… Vuertieh, gaajhkesh sån tjoevkes? men aaj Isáken musihkem buaresjem, gusnie mov aajkohke Ella lea laavloje. *Secret advertising*