Tjuodjamlissta

Muv namma la Eli Karianne Vesterheim Hætta, mån lav 20 jagák. Bajás sjaddiv unna bájkátjin, 1,5 mijla Guovddagæjno guovdátja ålggolin, mij gåhtjoduvvá Biltasletta. Alek goaden lav årrum ålles iellemájgev, ja luonndo dan birra la læhkám muv paradijssa. Sijdda l agev læhkám dåppe. Valla dåbdåv mujna l aj nubbe sijdda. Snoaltán (Kvitfors) Skáne (Skånland) suohkanin. Sijdan áhko lunna. Snoaltán lav agev giesijt læhkám, moadda ruohttaiehkeda, ja moadda ietjá aktisasj loabe. Danen tjáŋav sihke Guovddagæjno ja Ufuohtá/Oarjjelij-Råmså gáptijda.

Guovddagæjnon ållijiv sihke mánná-, nuoraj-, ja joarkkaskåvlåv. 2017 lij mujna oahppoduodastus giedan, ja lidjiv gárves ådå vásádusájda. Råmsån vásediv gåktu lij stuoves virgev adnet. Barggiv juohkka biejve, birrusij 11 máno, priváhta mánájgárden Oarjásjbielen suollu. Viehka geldulasj jahke massta ednagav oahppiv!

Dálla ådå vásádus vuorddá. Niehko mij mujna la juo guhkijt læhkám la vijmak ålliduvvam, ja vijmak muv oahpestiddje jahke l vuorddemin. Dåbdåv iehtjam guddnejahtedum ja mihá gå lav oadtjum dáv vejulasjvuodav manádit ja ietjam kultuvra birra subtsastit. Lav ihkeva spænnta majt dát jahke buktá, iv la masik návti ávvudallam guhkes ájggáj.

Niellja gatjálvisá jåhtelit:

1. Majt dagá 10 jage duogen?

Wow, dav iv galla diede. Dálla gåjt niegadav manádit nav ednagit gå vejulasj, ja vuojnnet nav ålov væráldis gå vejulasj. Ietján sávav gåjt lav álggám muhtem oahppuj massta ajtu berustav. Ihkap tjabu oasstám allasim leilighetav jali goadev. Gæhttjalav liehket spontána, ja dahkat mij hiehpá gå ássje båhti.

2. Majt dagá jus nágin dujna madtju lågådaládijn?

Jus dat dáhpáduvvá, de ajtu dav anáv komplemænntan. Jus nágin la sierraláhkáj sjarmis, de gal máhtáv madtjuhit ruopptot, mån aj.

3. Makkir tv-rájdojt sjatta gæhttjat hotellan gå dujna l asstoájgge skåvllåguossidimij gaskan?

Lijkkuv ednagijt rájdojda, ja lav gæhttjam ilá moadda. Jur dálla gehtjav Breaking Bad, jáhkáv vihtti lav dav gæhttjam. Duodden li mujna nágin dakkir miella rájdo. Jus lav nahkárij ja duodaj iv visjá nav snivva tjuovvot, valla ajtu sidáv juojddáv duogátjin, de bruvkkuv gæhttjat Friends jali How I Met Your Mother, valla jus sidáv juojddáv mij la almma geldulasj, de gehtjav Game of Thrones.

4. Guhtimusj sáme kjendisij la dujna crusha?

Hæhttuv miededit gájka Felgen Orkester báhtja li viek tjáppe, sierraláhkáj sån blonda… Vuorddelaste vehi, gájka li dávk blonda? Valla mujna l stuorra crusha Isáka musihkkaj, gånnå lávvám Ella la vokalissta. *Secret advertising*