Mov nomme Mirja Cicilia Andersson Renander jïh manne 18 jaepien båeries. Manne onne voeneste båatam man nomme Nerskogen, Rennebu tjïeltesne Trööndelagesne. Juelkietjengkere iktesth mov stoerre ïedtje orreme, jïh dan åvteste gaarsjelimmielinjam Oppdal jåarhkeskuvlesne veedtsim gusnie juelkietjengkere lij njueniehkisnie. Manne reakadamme jïh byjjenamme båatsosne, jïh dan åvteste jïjnjem bijjene vaeresne orreme. Gusnie bööremes tråjjedem.

Saemien kultuvre iktesth vihkeles munnjien orreme. Manne dajveste båatam gusnie ajve månnoeh vïellebh mah ligan saemien maadtoste mov skuvlesne, jïh dah skuvlesne joekoen vaenie saemien bïjre deejrin. Dan åvteste munnjien vuartasjin goh ånnetji jeatjahlaakan, dan åvteste mov lea jeatjah kultuvre. Dan gaavhtan manne tsïegline ohtsim, juktie sïjhtem mov kultuvren bïjre soptsestidh, jïh soptsestidh mijjieh eevre goh gaajhkh jeatjah noerh.

Manne tjarke aavodem daan jaapan, gusnie veanhtedem åadtjoem jïjnjem fealadidh jïh noerh abpe Nöörjesne råakedh. Manne aaj gegkestem mov girtie-asve gaarvene daan jaepien!

Såemies varke saetniesvoeth:

Maam tuhtjh vihkielommes Nöörjen noerh saemiej bïjre daejrieh?
Saemien kultuvren lea stoerre gamtoe jïh lea gellielaaketje.

Bööremes raerie juktie jïengem tsööpkedh?
Jebjedh ånnetji, dellie iktesth man bïjre soptsestidh jïh mestie föörhkedidh.

Maam 10 jaepine darjoeh?
Manne gegkestem manne minngemosth gaavnehtamme maam sïjhtem jïh leam gaervies mov ööhpehtimmine.

Bööremes tv-raajroeh?
Dïhte mij lea TV:sne gosse TV-båalese dïedtem.

Gie dov saemien åvteguvvie jïh man åvteste?
Tuhtjem Sofia Jannok lea væjkeles artiste hijven laavlomigujmie, jïh vihkeles ulmiejgujmie teeksti duekesne.

Maam saemien åahpetjidie datne buaresjh?
Im raaktan naakenem buaresjh, men tuhtjem Sofia Jannok lea naa mavvas.

Mïsse jeenjemes aavodh daan tsïeglejaepien?
Fealadidh jïh jeatjah noerh råakedh juktie saemien bïjre soptsestidh.