Mu namma lea Mirja Cicilia Andersson Renander ja lean 18 jagi. Mun lean eret unna gilážis man namma lea Nerskogen, Rennebu suohkanis Trøndelágas. Mu stuorámus beroštupmi lea spábbačiekčan, ja vázzen Oppdalas joatkkaskuvlla valáštallansuorggis mas spábbačiekčan lei guovddážis. Mun lean bajásšaddan boazodoalus, ja lean danne geavahan olu áiggi boazobargguide, mainna loavttán buoremusat.

Sámi kultuvra lea álo leamaš dehálaš munnje. Mun lean eret guovllus gos dušše moai vieljain leimme sápmelaččat skuvllas, ja skuvllas dihte hui unnán sápmelaččaid birra. Danne orron sin mielas veahá earálágan, go mus lei eará kultuvra. Dán dihte ohcen ofelažžan. Mun háliidan muitalit min kultuvrra birra ja čájehit ahte mii leat nu go eará nuorat ge.

Mun illudan dán jahkái, ja sávvamis šaddet olu mátkkošteamit ja deaivvadeamit nuoraiguin miehtá Norgga. Sávvamis jávká maiddái mu ballu girdimis dán jagi!

Moadde jođánis gažaldaga

Mii du mielas lea dat deháleamos maid Norgga nuorat galggaše diehtit sámiid birra?
Mu mielas lea deháleamos ahte dihtet ahte sámi kultuvra lea viiddis ja lea girjái.

Buoremus “icebreaker”?
Hehppet iežat, de lea álo juoga man birra hupmat ja boagustit.

Maid leat don bargame 10 jagi geahčen?
Mun sávan ahte dalle lean viimmat fuobmán maid háliidan ja lean geargan oahpuin.

Buoremus TV-ráidu?
Dat mii lea TV:s go biján dan ala.

Gii lea du sámi idola ja manne?
Mu mielas lea Sofia Jannok čeahpes artista mas leat buorit lávlagat main teavsttain lea dehálaš mearkkašupmi.

Guđe sámi beakkálmassii lea dus crusha?
Ii leat juste crusha geasa ge, muhto Sofia Jannok lea oalle kula.

Masa illudat buot eanemusat ofelašjagis?
Mátkkoštit ja deaivvadit eará nuoraiguin ja muitalit sápmelaččaid birra.