Muv namma la Vibeke Persen, mån lav 21 jagák. Bajássjaddam lav bájken man namma la Holmesund Dænon. Liehket luondo la læhkám ájnas muv soapptsomij, danen gå lijkkuv ålggon liehket sihke viehkamskuovaj ja sabegij. Boadáv dåjmalasj familjas, danen la valástallam agev læhkám oasse muv árggabiejves.
Vádtsiv mánájgárdev ja vuodoskåvlåv nuorttasámegielajn vuostasj giellan Dæno Råven. Vádtsiv joarkkaskåvlåv Lillehammerin Norges Toppidrettsgymnas, tjuojggamlinnjav. Dan maŋŋela ållijiv jahkestudiumav pedagogihkan Høgskolen i Innlandet. Gå lidjiv niellja geldulasj jage nalluj ietjá kultuvrav vásedam de dåbddiv åhtsåliv sáme kultuvrraj ja sijdabájkijda. Oadtjuv bargov fáhkaåhpadiddjen vuodoskåvlån Dæno Råven, ja oahppiv viek ednagav dan bargon!
Dåbdåv mihá ja vuollegasj lav gå besav oahpestiddjen liehket. Ávvudaláv ednagit sáme kultuvra birra giehttot, subtsastit majt kultuvrra merkaj ja iejvvit edna ådå ulmutjijt. Mujna li stuorra vuorddemusá jahkáj ja sjattasj má ållo oahppam, hásstalusá ja suohttasa!
Oanegattjat muv birra
Masi ienemusát ávvudalá dán oahpestiddjejagen?
Ienemusát ávvudaláv gatjálvisájda vásstedit ja ulmutjij sáhkadit. Gatjáda ber de galgav vásstedit nav buoragit gå máhtáv, e gávnnu jallas gatjálvisá!
Mij la duv mielas ájnnasamos sámij birra majt nuora Vuonarijkan e diede?
Gássjel avtav ássjev tjuolldet, muv mielas la ållo majt nuora Vuonarijkan bierriji diehtet. Muv mielas lip mij aj dábálasj nuora gudi lijkkup sæmmi ássjijt degu dáttja nuora, degu TV-rájdo, valástallam ja rádnaj siegen liehket.
Gåk dahkat gå iehtjádij ságastahttjá?
Gæhttjalav humora baktu suohttasijt subtsastit, vájku ietjam birra iesjironiddjajn. Ságastallam luovvan vehi jus vaddá ietjastis. Jus tjajmmi mujsta jali muv maŋen la avtajt, tjajmmi gåjt!
Majt dagá 10 jage duogen?
Mån lav viehka spontána, dábálattjat plániv dåssju avtav ájggudagáv ájgen, danen lav iesj viehka spænnta. Ållim lav dávk nágin åhpadusáv, jáhkáv åhpadiddjeåhpadusáv. Ietján dávk lav årrum nágin sadjáj Finnmárkon gånnå luonndo l ållu lahkusin.
Guhtimusj sáme kjendisij la dujna crusha?
Viehka árvon anáv sijájt gudi garrasit barggi váj sámevuohta galggá vuojnnut. Lehkus dal musihka, lågådallamij jali dájda baktu, de la buorre.
Buoremus TV-rájddo?
Gehtjav juohkka rugev, dokumentáraj rájes gitta reality. Maŋemus ájgijt lav báddnum Tollerne ja Blålys rájdojda TV2:en, valla máhtsav agev ruopptot Friends:aj.
Gut la duv sáme åvddågåvvå ja manen?
Danen gå lav manádam sáme festiválajn ja roadtripajda rádnaj siegen, de lav lijkkugoahtám juohkka lágásj sáme musihkav. Viek buoragit lijkkuv artistajda gudi ådå láhkáj ájádalli ja dahki miellagiddis musihkav sámegiellaj. Åhpav edna ådå bágo ja moallánagá sijáj baktu. Nágina sijájs li: Ailu Valle, Isák, Felgen Orkester og SlinCraze.