Oahpestiddjeårniga birra

Sáme oahpestiddje li nuora gudi manádi Vuonarijkav miehtáj ja lågådalli sámij birra, ienemusát joarkkaskåvlåjn. Oahpestiddje låhki Sáme kultur- ja sebrudakmáhtov Sáme allaskåvlån Guovddagæjnon, ja oahpestiddje barggo la oassen sijá åhpadusás.

Suohtas lågådallama massta oahppá ednagav

Oahppe gudi oadtju guossijt skåvllåj, oadtju geldulasj gehtjastagáv sáme væráldij. Gåktu dåbddu liehket oassen álggoálmmugis, gåktu udnásj sáme viessu. Oahpestiddje giehttu moatte lágásj ássjij birra gápptedábij ja giela rájes histåvrråj ja árkkabiejvveiellemij, ja hárjjánam li gatjálvisájda vásstedit.

Nåvkå skåvllåj

Oahpestiddjij manno ja idjadibme la juo åvdutjis mávseduvvam, skåvllåj la nåvkå oadtjot guossijt ja lågådallamav.

Jus oahppe li vehi gárvedam de ienebuv oahppi

Ep gájbbeda oahppe majdik máhtti åvddål gå lågådallamij bessi sæbrrat, valla vuojnnám lip oahppe ienebuv oahppi gå li vehi gárvedam. Åhpadiddje bierriji gehtjadit Gárveda guossidibmáj.

Diŋŋgu oahpestiddjijt ájge bále

Oahpestiddje li bivnnuha, ja muhttijn la vuorddemlissta. Gehtjasta mannoruvtov goassa oahpestiddje skåvlå guovlon li, ja goassa siján li rabás biejve.

Gehtja Sáme oahpestiddjijt 2018/2019 gå årniga birra subtsasti
Elle Karen Inga Skum (21) Guovddagæjnos ja Vanja Tørresdal (21) Brekkenis Trøndelagan lijga Sáme oahpestiddje skåvllåjagen 2018/2019. Dánna subtsas Elle Karen Inga gåktu sån váset la liehket sáme nuorran uddni ja manen suv barggo sáme oahpestiddjen la ájnas. Duodden iejvvip iesjgeŋga nuorajt vuona skåvlån gejn li moadda gatjálvisá oahpestiddjijda. Sáme oahpestiddje skåvllåjagen 2018/2019 lidjin Elle Karen Inga Skum, Vanja Tørresdal, Eli Karianne Vesterheim Hætta ja Maria Gunilla Påve Wilks.