Mov nomme Maila Risten Bongo Dikkanen jïh leam 19 jaepien båeries. Manne byjjenamme Unjárgesne, gusnie aaj maadthskuvlem illim. Jåarhkeskuvlen mænngan Vadsøesne manne Guovdageaidnuse juhtim juktie jaepielohkemem saemiengïelesne lohkedh Saemien Jïlleskuvlesne. Mov maanabaelien leam aehtjiem barkoebiejjieh dåeriedamme mij lea göölije jïh sïrvebåanta. Mov aaj ektiedimmie Guovdageaidnuse jïh båatsose tjidtjien maadtoen tjïrrh, gusnie jaepien ellen bööremes tïjjh lea mïerhkesjimmie giesege jïh leekedimmie tjaktjege.
Noereskuvlen raejeste leam gïelebarkijinie barkeme Isak Saba-jarngesne Unjárgesne. Dan mænngan manne damteme daerpies saemien maanah jïh noerh voengesne skreejrehtidh sijjen saemien kultuvrem, gïelem jïh identiteetem vaarjelidh jïh nænnoestehtedh. Joekoen dan åvteste manne jïjtje leam dååjreme man prååsehke saemien gïele jïh kultuvre leah mearoesaemien dajvine.
Minngemes jaepien aaj turistevuesiehtæjjine barkeme Sokki Adventure turistecampesne Guovdageaidnusne. Desnie nuepiem åådtjeme vuejnedh man vihkeles jïh man stoerre aavoe lea mov kultuvrem, aerpievuekieh, histovrijen jïh dååjrehtimmieh juekedh, dovne goh mearoe- jïh båatsoesaemie; daate munnjien jïjnjem skraejriem vadteme tsïegline årrodh aktem jaepiem! Manne aavodem akten jaapan tjaebpies almetjigujmie, orre sijjieh dååjredh, jïjtjemem haestedh, orre mojhtesh sjugniedidh jïh mov vaajmoe-aamhtesh eevtjedh.
Njieljie varke gyhtjelassh:
1. Maam 10 jaepine darjoeh?
Hmm, hijven gyhtjelasse, gie daajra maam jirredebiejjieh buektieh? Manne hævvi gegkestem manne leam ööhpehtimmiem vaalteme jïh mejnie akt barkem mij munnjien stoerre aavoem vadta! Dagke saemienlohkehtæjjine sjïdteme, turismine barkeminie jallh manne leam plaave mearosne jïjtjene göölemevïnhtsine.
2. Maam darjoeh jis naaken datnine flöörtede aktene håaloemisnie datne höölth?
Manne mån mojjehtamme jïh ånnetji meatan flöörtadamme manne aaj.
3. Mah tv-raajroeh sïjhth hotellesne vuartasjidh gosse dov lea astoeaejkie skuvlevaaksjomi gaskem?
Raajroeh jïh filmh eah leah mov veaksahkommes bielie … sveekes manne astem, men åadtjoem gujht dejnie haarjanidh daan jaepien! Gosse easkah edtjem raajroeh vuartasjidh, tjuara raajroe årrodh jïjnje draamine jïh ohtje krimmine, guktie mij lea buerebe goh klassihkere Home And Away.
4. Maam saemien åahpetjidie datne buaresjh?
Ij leah raaktan mov naan saemien åahpetjem maam buaresjh, men gellie hijven åvteguvvieh ålkone Saepmesne! Gaskem jeatjah tjiehpiedæjja Maret Anne Sara mij aktem veaksehks saemien gïelem vuesehte båatsoepolitihkeles aamhtesi sisnjeli. Lissine Nils Rune Utsi, Slincraze, mij geerve teemah bæjjese vaalta sov musihken tjïrrh!