Mov nomme Linnéa Ellen Knutsen, leam 20 jaepien båeries jïh Ájluokteste Divtasvuodneste båatam (daelie Orre Hábmere). Gåabpegh mov eejhtegh leah Divtasvuodneste, men tjidtjeben bielesne aaj maadtoe Jiellevárreste sveerjen bielesne. Manne dovne saemien jïh nöörjen gïeline byjjenim, skuvlesne julevsaemien voestesgïeline utnim goske jåarhkeskuvlem eelkim. Jåarhkeskuvlesne voestegh healsoefaagem veedtsim, men sïjhtim guhkiebasse lohkedh guktie lissiebigkemem veeltim sïejhme studijemaahtose.
Manne Ájluoktesne byjjenamme, joekoen onne voene Bådåddjon jïh Áhkanjárgan gaskesne gusnie sån bielie almetjijstie lea julevsaemieh. Ij leah dan jïjnje desnie darjodh guktie jeenjemes bïjlem vuajam jïh leam voelpigujmie gosse leam desnie. Tuhtjem gïele lea joekoen gieltege jïh jis leam maahteme, dellie gaajhkh gïelh lïereme. Men vihkielommes gïele munnjien lea gujht julevsaemien. Manne sïjhtem vielie barkedh julevsaemien gïeline jïh dam buerebe lïeredh. Dan åvteste sïjhtem barkedh jienebh learoevierhtieh jïh plearoeh ribledh julevsaemien gïelesne, joekoen maadthskuvlen learoehkidie, jïh/jallh lohkehtæjjine saemiengïelesne sjïdtedh båetijen aejkien.
Såemies varke saetniesvoeth
Dïsse jeenjemes aavodh daan tsïeglejaepien?
Vïenhtem manne jeenjemes aavodem vielie Nöörjeste vuejnedh, jïh dååjredh «feelemeveaskosne» årrodh».
Maam tuhtjh vihkielommes noerh Nöörjesne byöroeh saemiej bïjre daejredh?
Gaajhkh saemien dajvh leah vielie joekehtsh goh veanhta, jïh gaajhkh saemieh eah bovtsigujmie gïehtelh.
Bööremes raerie jïengem tsööpkedh?
Gihtjedh maam luhkieh/ mejnie barkeminie sjeahta gujht fïerhten aejkien.
Maam darjoeh 10 jaepine?
Vïenhtem manne sïjhtem barkedh jïh Ájluoktesne årrodh, men håhkesjem leam ånnetji fealadamme bïjre jarkan veartenisnie voestegh.
Maam lih sïjhteme meatan vaeltedh aevries såålese, jïh mannasinie?
Vïenhtem manne biejjiebådtjam meatan vaalteme, dan åvteste manne dan gaajh varke roevtem.
Gie dov saemien åvteguvvie jïh mannasinie?
Mov saemien åvteguvvie lea sån maadteraahka, dïhte lij dïhte gïemhpemes jïh bööremes almetje maam meehti gaavnedh, jïh im vïenhth gåarede naakenem gaavnedh stuerebe vaajmojne.