Mov nomme Lemet Johanas Nystad jïh leam 21 jaepien båeries. Manne reakadamme jïh byjjenamme Kárásjohkesne, men leam Lillehammerisnie orreme gusnie Nöörjen toppidrettsgymnasesne veedtsim jïh uvtemes treavkanjulhtjeminie gïehtelim. Lissine Romsesne orreme gusnie leam fysioterapijem lohkeme, men daelie veeljeme eejehtalledh lohkemistie.
Astoe-aejkien provhkem gööledh jïh jïjnjem ålkone eatnamisnie årrodh. Jïh manne joekoen sosijaale almetje jïh provhkem jïjnjem voelpigujmie årrodh. Lissine aaj lyjhkem saavredh.
Gosse lim Lillehammerisnie gellie gyhtjelassh saemiej bïjre åadtjoejim jïh damtim mov ij lij våarome dejtie mijjen bïjre soptsestidh. Guktie dan åvteste lastoem åadtjoejim vielie lïeredh saemien kultuvren bïjre jïh lissine maehtedh bïjre jarkan Nöörjesne fealadidh jïh jeatjah noeride saemiej bïjre soptsestidh.
Mov håhkoe lea daate jaepie munnjien vielie daajroem vadta kultuvren bïjre maam lyjhkem. Lissine gegkestem jienebh voelph åadtjodh bïjre jarkan Nöörjesne.
Såemies varke saetniesvoeth:
Maam tuhtjh vihkielommes Nöörjen noerh saemiej bïjre daejrieh?
Tuhtjem vihkielommes noeride bïjre laantem vuesiehtidh saemieh leah joekoen seammalaakan goh jeatjah daaroeh. Hævvi mijjen leah jïjtsh kultuvre, gïele jïh aerpievuekieh, men saemieh jïh daaroeh leah badth joekoen seammalaakan.
Bööremes raerie juktie jïengem tsööpkedh?
Bööremes raerie lea ajve jïjtse årrodh 100 %. Aellieh bïllh mubpiejgujmie gaskesadtedh jïh aellieh skabroeh årroeh soptsestallemisnie.
Maam 10 jaepine darjoeh?
Geerve jiehtedh, men mov håhkoe lea manne gåatan Kárásjohkese jåhteme jïh fuelhkiem åådtjeme. Lissine mov håhkoe lea jïjtse klinihkine nïerhkedh fysioterapijen sisnjelen.
Bööremes TV-raajroe?
Provhkem jïjnjem ovmessie vuartasjidh, men tjoerem jiehtedh daan mearan mov bööremes raajroe lea Hvite gutter. Akte joekoen lustes raajroe mestie provhkem jïjnjem föörhkedidh.
Gie dov saemien åvteguvvie jïh man åvteste?
Mov saemien åvteguvvie lea Ronald Pulk. Dïhte akte lustes karakteere mij lea lyhkesamme Nöörjesne.
Maam saemien åahpetjidie datne buaresjh?
Geerve jiehtedh. Im naan sjïere åahpetjidie buaresjh, men jis tjoerem naakenem neebnedh dellie dïhte sån Agnete Johnsen. Dïhte tjaebpies nïejte jïh ij goh unnemes væjkele laavlodh.
Mïsse jeenjemes aavodh daan tsïeglejaepien?
Manne jeenjemes aavodem bïjre jarkan Nöörjesne fealadidh jïh gellie orre almetjh råakedh. Luste sjædta nuepiem åadtjodh bïjre jarkan jïjtjene kultuvren bïjre soptsestidh.