Heejja! Mov nomme Håkon Mudenia jïh leam akte 23 jaepien båeries baernie Deatnuste Finnmaarhkesne! Gåetesne Deatnusne leam dej minngemes jaepiej lohkehtæjjine barkeme maana- jïh noereskuvlesne. Åvtelen eelkim lohkehtæjjine barkedh leam vaarjelimmesne orreme jïh jaepielohkemem eengelsken gïelesne lohkeme Romsesne.
Byjjenimmesne leam gelliej aatigujmie gïehtelamme, goh loesem gööleme, sarvem vuatjeme jïh treavkavuetjieminie gïehtelamme jïh juelkietjengkerem tjïektjeme. Abpe jieledem manne bieline orreme aktede jienebekultuvrelle siebriedahkeste, gusnie dïhte nöörjen jïh saemien leah loevtlaaketjh orreme. Daate aarkebiejjie gusnie gaajhkesh dovnesh loevtsæjresne almetjigujmie jeatjah kultuvrijste jïh jeatjah aarvoejgujmie årroeminie, lea naakede man bïjre gegkestem manne åadtjoem soptsestidh jïh bievnedh learoehkidie daan skuvlejaepien.
Mov veanhtadimmieh tsïeglejaapan leah gaskem jeatjah gellie orre almetjh gaavnedidh abpe veartenistie. Manne gegkestem manne åadtjoem vielie jïjtjene kultuvren bïjre lïeredh jïh maehtedh viehkiehtidh faatoes daajroem jïh vaanesovmh dan saemien bïjre heerredidh. Jïh manne tjarke aavodem abpe Nöörjem vuejnedh jïh dååjredh jïh dovne New York!
Njieljie varke gyhtjelassh:
1. Maam 10 jaepine darjoeh?
Luhkine jaepine manne lohkehtæjjine barkem saemien jïh eengelske gïelesne! Jallh dagke saemien tjeahpojne jïh lidteratuvrine barkem, tuhtjem dïhte lea murreds jïh lea naakede mejnie lim sïjhteme barkedh.
2. Maam darjoeh jis naaken datnine flöörtede aktene håaloemisnie datne höölth?
Dellie dagke tjievledem, men pryövem dam tjelmiehtidh? Manne jueriedisnie, men saaht guktie im maehtieh baajedh aktem almetjem håalomem eerjedh gaajhkide mubpide.
3. Mah tv-raajroeh sïjhth hotellesne vuartasjidh gosse dov lea astoeaejkie skuvlevaaksjomi gaskem?
Dagke sïjhtem vuartasjidh ”The Handmaid’s Tale”. Leam sïjhteme dam guhkiem vuartasjidh, jïh aajnehke fåantoe man åvteste im leah dam annje dorjeme lea manne im gærjam lohkeme, guktie dam daelie lohkem. Men im dan jïjnjem TV-raajroeh vuartesjh, guktie manne gujht buerebh sïjhtem gærjah lohkedh.
4. Maam saemien åahpetjidie datne buaresjh?
Mænngan åadtjoejim Aili Vallem vuejnedh Márkomeannusne dellie dam eensilaakan buaresjem. Dïhte dan joekoen hijven musihkem dorje teekstigujmie mejstie gaasenjaltjam åadtjoem, magkeres ålma!