Mov nomme Elle Rávdná Näkkäläjärvi jïh manne 19 jaepien båeries,  jïh Guovdageaidnuste jïh Leammiste båatam. Leammisne, soemen bielesne manne båatsoefualhkan govlesovvem, jïh Guovdageaidnusne manne ”dalon”-fualhkan govlesovvem, amma fuelhkie mij iktesth daesnie orre. Manne byjjenamme jïh skuvlem vaadtseme saemien byjresisnie, gusnie saemien lea jienebelåhkoengïele.

Manne Saemien jåarhkeskuvlem jïh båatsoeskuvlem vaadtseme. Mubpien jaepien lim låtnomelearohke USA:sne jïh gosse lim dan guhkede gåeteste, damtim man vihkeles Saepmie lea munnjien. Minngemes jaepien leam vaarjelimmesne orreme, jïh åådtjeme dååjredh guktie lea sijjesne årrodh gusnie manne lim aajnehke saemie. Mov barkosne Juhls sïlpesmïrresne Guovdageaidnusne leam guesside mijjen kultuvren bïjre soptsestamme. Dïhte mannem skreejrehti tsïegline ohtsedh.

Manne lyjhkem vuelkedh jïh orre almetjh råakedh, jïh aavodem abpe Nöörjem fealadidh. Tuhtjem vihkeles joekoen maanah jïh noerh Nöörjesne åadtjoeh vielie saemiej bïjre lïeredh. Kultuvre ræjhkoes jïh gellielaaketje jïh manne sïjhtem meatan årrodh dam vuesiehtidh. Aaj vïenhtem mijjieh åadtjobe jïjnjem lïeredh jïh lustes dååjresh åadtjodh. Manne gijhteles manne tsïegline veeljesovveme jïh aavodem daan jaapan.

Elle Rávdná Näkkäläjärvi leah orre Saemien tsïeglh 2020/2021! Åahpenidie daejnie!

Såemies varke saetniesvoeth:

Maam tuhtjh vihkielommes Nöörjen noerh saemiej bïjre daejrieh?
Saemieh eah leah «ajve» gaptah, vuelie jïh bovtsh. Akte gellielaaketje kultuvre man bïjre maahta jïjnjem ïedtjije lïeredh.

Bööremes raerie juktie jïengem tsööpkedh?
Iktesth luste dagkerh bielienåake «icebreaker-stååkedimmieh». Jallh man åvteste ij aelkedh dejtie lustemes dååjresidie juekedh mejtie åtna?

Maam 10 jaepine darjoeh?
10 jaepine manne mån jïjnjem fealadamme, vielie veartenistie vuajneme, jïh dagke ööhpehtimmiem vaalteme goh lohkehtæjja jallh plearoeh. Dagke edtjem aaj 10-jaepiegaavnedimmiem tsïegledåehkine soejkesjidh?

Bööremes tv-raajroe(h)?
Grey’s Anatomy! Manne dam ååpsen gellien aejkien vuajneme. Men aaj tuhtjem The Handmaid’s Tale jïh Good Trouble joekoen hijven.

Gie dov saemien åvteguvvie jïh man åvteste?
Manne Sofia Jannokem, Mari Boinem jïh Ella Mariem (Isák) tjarke gutnem. Dej lea jïjnje hijven musihke jïh leah veaksehks gujnh mah gæmhpoeh dan åvteste mij lea vihkeles dejtie.

Maam saemien åahpetjidie datne buaresjh?
Luhpie jiehtedh noere Áillohas? Manne vïenhtem manne reakasovvim 50 jaepieh fer seenhte, hehe. Men sïjhtem mån jiehtedh Sofia Jannok, manne dam tjarke gutnem!

Mïsse jeenjemes aavodh daan tsïeglejaepien
Manne aavodem barkedh jïh åahpenidh mov meatantsïegligujmie, fealadidh jïh Nöörjem vuejnedh, saemien kultuvren bïjre soptsestidh jïh jïjnjem ovmessie lïeredh. Jaa, raaktan gaajhkem!