Mov nomme Benedikte Eriksen, leam 19 jaepien båeries jïh Ájluokteste båatam Hábmeren tjïeltesne. Manne Ájluoktesne orreme reakadimmien raejeste jïh goske 16 jaepieh illim. Dellie gåetielåhpan juhtim Oppeidesne, gusnie 2 jaepieh årroejim, mearan doh göökte minngemes jaepieh veedtsim Ålkonelinjesne Knut Hamsunen jåarhkeskuvlesne. Manne lyjhkem ålkone årrodh jïh kråahpem nuhtjedh. Leam hierkiejgujmie gïehtelamme dan guhkiem måjhtam, jïh gosse Ålkonelinjesne eelkim jåarhkeskuvlesne dellie ïedtjem åadtjoejim dovne padladimmeste jïh goetsemistie.

Manne gaajh tjarke aavodem daan jaapan goh tsïegle jïh leam joekoen gijhteles manne åadtjoem meatan årrodh daam dååjredh! Vïenhtem daate dïhte jaepie sjædta gusnie åadtjoem skearkagidh jïh jïjtjemem haestedh. Aavodem vielie mijjen kultuvren jïh histovrijen bïjre lïeredh, jïh dan bïjre soptsestidh jeatjah noeride nöörjen skuvline. Daate sån jaepie sjædta orre learojne jïh mojhtesigujmie!

Såemies varke saetniesvoeth

Mïsse jeenjemes aavodh daan tsïeglejaepien?

Manne jeenjemes aavodem bïjre jarkan mïnnedidh jïh jeatjah noerh nöörjen skuvline råakedh, jïh daajroem saemien kultuvrem jïh histovrijen bïjre geerjehtidh.

Maam tuhtjh vihkielommes noerh Nöörjesne byöroeh saemiej bïjre daejredh?

Tuhtjem vihkele noerh Nöörjesne guarkoeh mijjieh, saemieh, ibie jielieh naemhtie guktie darjoejin 100 jaepiej juassah.

Bööremes raerie jïengem tsööpkedh?

Jarhpoe ij leah gåessie gænnah fiejlie? Jallh?

Maam darjoeh luhkine jaepine?

Manne mån gieltegs barkosne mejnie tråjjedem, dagke goh pollise, lohkehtæjja jallh mij akt politihken bïjre.

Maam lih sïjhteme meatan vaeltedh akten aevries såålese, jïh mannasinie?

Klaasetjelmieh. Guktie maahtam naakedem vuejnedh.

Gie dov saemien åvteguvvie jïh mannasinie?

Ella Marie Hætta Isaksen. Dïhte gaajh tjaebpies musihkem dorje, jïh ïedtjem åtna seabradahkeste. Dam lyjhkem! Aaj gærjam eahtsam maam aadtjen luajhteme.