Mu namma lea Per-Henning Mathisen ja lean 24 jagi boaris. Mun lean bajásšaddan Reahpenis Unjárgga gielddas, ja fárrejin Girkonjárgii go álgen joatkaskuvlii. Doppe mun orron golbma jagi. Dáid maŋimuš jagiid lean orron Romssas, gos mun lean studeren lektoroahpu UiT:as. Astoáiggis liikon leat fysalaččat aktiiva, nugo tuvrraid vázzit, hárjehallat dahje dušše leat olgun skihppáriiguin. Mun beroštan sámi gielaid ja kultuvrra gaskkustit, ja mu mielas lea earenoamážit dehálaš ovddidit sámi perspektiivaid stuorraservodagas.

Mun jáhkán dát šaddá sihke somás jahki ja okta jahki mas mun oahpan hui ollu! Dasa lassin lea hui erenoamáš vejolašvuohta oaččut! Mun illudan oahppat vel eambbo, ja mátkkoštit skuvllaide birra Norgga ja gaskkustit sámi kultuvra ja historjá skuvlaohppiide.

Moadde jođánis gažaldaga:

Masa illudat buot eanemusat ofelašjagis?
Dasa maid illudan buot eanemusat dán ofelašjagis lea mátkkoštit skuvllaide birra Norgga ja oahpahit sámi kultuvra ja historjá skuvlaohpiide.

Mii du mielas lea dat deháleamos maid Norgga nuorat galggaše diehtit sámiid birra?
Mu mielas lea dehálaš ahte olbmot dihtet man girjái Sápmi lea.

Buoremus “icebreaker”?
Muitalit juoidá somá iežas birra.

Maid leat don bargame 10 jagi geahčen?
Sávvamis barggan ávkkálaš bargu sámi servodaga ovddas, vaikko lea oahpaheadjibargu, dutkanbargu dahje juoidá eará.

Maid válddášit mielde ávdin sullui, ja manne?
Niibi. Dat boahtá álo atnui.

Gii lea du sámi idola ja manne?
Mu sámi idola lea Issát Saba, gii orui mu ruovttubáikkis Reahpenis! Son lei vuosttaš sápmelaš stuorradikkis ja ovddidii sámi áššiid. Dasa lassin barggai ollu eará maid, earret eará lei oahpaheaddji, álbmotmuitočoaggi ja čálii Sámi Soga Lávlla!