Ofelašdoaimma birra
Sámi ofelaččat leat nuorat geat mátkkoštit miehtá Norgga ja logaldallet sápmelaččaid birra, vuosttažettiin joatkkaskuvllain. Ofelaččat lohket Sámi kultur- ja servodatmáhtu Sámi allaskuvllas Guovdageainnus, ja ofelastinbargu lea oassi sin oahpus.
Guoimmuheaddji logaldallamat main oahppá olu
Oahppit geat ožžot gussiid skuvlii, besset oaidnit gelddolaš oasáža sámi máilmmis. Movt dovdo gullat álgoálbmogii, ja movt ellet eanas sápmelaččat dán áigge? Ofelaččat muitalit buot gitta gákteárbevieruid ja gielaid rájes, historjjá ja beaivválaš eallima rádjái, ja sii leat hárjánan vástidit gažaldagaid.
Nuvttá skuvllaide
Ofelaččaid mátki ja vejolaš orrun lea ovdagihtii máksojuvvon, ja skuvllaide lea nuvttá oažžut gussiid ja logaldallamiid.
Stuorát ávki go oahppit leat ráhkkanan
Ii gáibiduvvo ovdamáhttu searvat logaldallamii, muhto vásáhusat čájehit ahte gánnáha veaháš ráhkkanit. Oahpaheaddji berre geahččat “Ráhkkanit ofelaččaid vuostáiváldit”.
Diŋgo ofelaččaid buori áiggis
Ofelaččat leat bivnnuhat, ja dávjá leat vuordinlisttut. Geahča áinnas mátkeruvttos goas ofelaččat leat skuvlla lahkosis, ja goas sis leat guros beaivvit.