Dál johttigohtet ofelaččat skuvllaid mielde!
Sámi ofelaččat leat gergosat muitalit sámiid birra nuoraide Norggas. Buot njealjis galget ovttas álgit logaldallamiiguin Troandimis. Ofelaččat illudit oaidnit maid nuorat dihtet sápmelaččaid birra ja sávvet movttiidahttit nuoraid jearrat olu gažaldagaid. Nuorat galget beassat oahppat sámi kultuvrra ja historjjá birra, ja movt sápmelaččat ellet odne.
