Mu namma lea Maria Gunilla Påve Wilks ja lean 19-jagi boaris. Lean nieida gii lean bajásšaddan Snoasas, doppe lean orron dan rájes go ledjen unni. Lean bajásšaddan guovttegielat bearrašis, go áhčči hupmá davvisámegiela ja eadni lullisámegiela. Dan dihte lea giella šaddan hui dehálažžan munnje. Seammás lean bajásšaddan boazodoallobearrašis, ja dan dihte lea maid duottar mu ruoktu. Eará beroštumit áiggiid čađa leat leamašan iešguđetlágan faláštallandoaimmat ja buot maid mánná juo láve geahččalit.

Go áhčči lea eret Johkamohkis, de lean olu mátkkoštan biillain duohkut deike. Go mátkkošteapmi lea leamašan stuora oassi mu bajásšaddamis, de šaddá hui lunddolaš olu mátkkoštit dán jagi. Erohus lea ahte dál beasan oaidnit stuora osiid Norggas. Illudalan sakka dán jahkái, oaidnit buot daid olu olbmuid ja ođđa báikkiid, ja erenoamážit muitalit iežamet kultuvrra birra.

Njeallje gažaldaga johtilit:

1. Maid don barggat 10 jagi geahčen?

Sávvamis barggán juogamainna mas duođas beroštan! Sávvamis lean beassan vásihit ja oahppat hui olu daid jagiid mat lean vássán, muhto eanemusat sávan ahte loavttán dainna maid barggán.

2. Maid dagat jus muhtin álgá flirtet duinna go leat doallame logaldallama?

Hmm, ii leat álki vástidit. Jáhkán ahte hirpmahuvašin sakka, ja de bohkosivččen, ja olles dilálašvuohta šattašii dušše heahpat … haha

3. Makkár tv-ráidduid boađát geahččat hoteallas astoáiggis skuvlagálledemiid gaskkas?

Okta gii lea aitto heaitán geahččamis tv-ráidduid. Ii heađisge, álggán várra geahččat Prison Break, nu ahte várra dan …

4. Makkár sámi beakkálmassii lea dus crush?

Dieđusge Felgen Orkester <3