Mu namma lea Benedikte Eriksen. Mun lean 19 jagi ja boađan Ájluovttas, Hábmera suohkanis eret. Lean orron Ájluovttas dan rájes go riegádin dassá devden 16 jagi. Dalle fárrejin hybelii Oppeidii, gos orron 2 jagi go vázzen guokte maŋemus jagi Friluft-oahpu Knut Hamsuna joatkkaskuvllas. Mun liikon leat olgun ja leat fysalaččat aktiiva. Mun lean heasttaiguin bargan nu guhká go muittán, ja go álgen friluft-ohppui beroštisgohten meallut ja goargŋut. 

Mun illudan hirbmosit ofelašjahkái ja lean hui giitevaš dán vásáhusa ovddas! Mun jáhkán šaddá jahki mas beasan ovdánit ja hástalit iežan. Mun illudan oahppat eambbo min iežamet kultuvrra ja historjjá birra, ja gaskkustit dan viidáseappot eará nuoraide Norggá skuvllain. Ođđa oahppu ja ođđa muittut! 

Moadde jođánis gažaldaga

Masa illudat buot eanemusat ofelašjagis?
Mun illudan buot eanemusat mátkkoštit, deaivvadit eará nuoraiguin ja oahpahit sámi kultuvrra ja historjjá birra. 

Mii du mielas lea dat deháleamos maid Norgga nuorat galggaše diehtit sámiid birra?
Mu mielas lea dehálaš ahte nuorat Norggas ipmirdit ahte mii sápmelaččat eat eale nu go 100 jagi áigi dahke. 

Buoremus “icebreaker”?
Somás cuvccas láve doaibmat. 

Maid leat don bargame 10 jagi geahčen?
Sávvamis lean gelddolaš barggus gos loavttán, vaikko politiijan, oahpaheaddjin dahje politihkas.

Maid válddášit mielde ávdin sullui, ja manne?
Čalbmalásiid. De jobe oainnán ge. 

Gii lea du sámi idola ja manne?
Ella Marie Hætta Isaksen. Son ráhkada erenomáš fiinna musihká, ja lea servodatberošteaddji. Dasá liikon! Liikon maiddái su girjái maid áiddo lea almmuhan.