Muv namma l Vanja Tørresdal, mån lav 20 jagák. Boadáv unna bájkátjis man namma l Brekken Trøndelágan ållu rijkkarájá lahka. Dåppe vádtsiv sihke mánná- ja nuorajskåvlåv, valla maŋemus jagev nuorajskåvlån ja ålles joarkkaskåvlåv, oahppotjiegŋodimev, Rørosan vádtsiv. Gå lidjiv gålmmå jage ållåsit realfágajda tjiegŋodam de sihtiv dahkat juojddá ållu ietjálágásj, ja ietjá vejulasjvuodajt guoradallat.

Badjánam lav muhtem ællobarggoberrahin gånnå viessop luondo lahka ja majt dat midjij fállá. Dan diehti la iehtjama kultuvra åvddånbuktem agev læhkám ájnas munji. Danen sihtiv åhtsåt oahpestiddjen, gå navti iesj åhpav ienebut sáme kultuvra birra, valla besav iehtjádijda aj åhpadit.

Asstoájgen lijkkuv liehket ålggon luondon, duodjuhit, ja musihkajn; lávlov ja piánov tjuojadav.

Mujna li moadda vuorddemusá oahpestiddje jahkáj. Ávvudaláv oahppat, ja iehtjádijda sáme kultuvra birra subtsastit. Duodden ávvudaláv manádit, ja vásedit dajt måttijt bájkijt lándav miehtáj. Ávvudaláv aj ådå ulmutjijda oahpásmuvvat.

Niellja gatjálvisá jåhtelit:

1. Majt dagá 10 jage duogen?

Sávav mujna l oahppo ja barggo gånnå soaptsov, ja ihkap mujna l ietjam famillja. Littjav dávk aj dahkam nágin ássje majt iv lim goassak jáhkkám galggiv dahkat. Sávav bessam lav manádit væráldav birra.

2. Majt dagá jus nágin dujna madtju lågådaládijn?

Dat le dan duogen gåktu dille le lanján. Soajttá vehi ruopptot madtjuhav.

3. Makkir tv-rájdojt sjatta gæhttjat hotellan gå dujna l asstoájgge skåvllåguossidimij gaskan?

Once Upon a Time, Orange is the new black, ja soajttá gæhttjagoahtet Game Of Thrones.

4. Guhtimusj sáme kjendisij la dujna crusha?

Mujna ij la sierralágásj crusha aktasik, valla muv mielas li moadda tjiehpes artista degu Sofia Jannok, Felgen orkester ja ISÁK