Mån lav Nathaniel Holan Larsen, mån lav 20 jagák márkkosábme Áravuomes Áhkánjárga suohkanis. Muv sáme familjan la dárogiella sijdagiellan dárojduhttema diehti. Danen lav nuorttasámegielav låhkåm UiT:an, ja gielav ruopptot válldám. Mån lav nuoramus suohkanstivran, ja oarbbenij gaskan. Mån lav Trøndelagaj tjanádum, danen gå muv áhttje dåppet boahtá.  

Moaddása muv dåbddi politihkkárin. Valla jus la akta ássje mav æhtsáv, de la escape room. Mån ja muv rádna nagájma akti tjoavddet Tråmså gássjelamos lanjáv, viehke dagi sjævnnjadin, gå vajálduhtijma tjuovgav tsahkkidit. Dat la stuorámus mij la dáhpáduvvam muv iellemin maŋŋel oahpestiddjen válljiduvvat. Ietján lijkkuv tragisuohtas girjijt låhkåt ja spellat PS4.  

Oahpestiddjen liehket la munji stuorra guddnen. Viek ávvudaláv manádit lándav birra ja iejvvit ietjá nuorajt gudi sihti sámij birra oahppat. Sierraláhkáj ávvudaláv åhpatjit ienep muv sáme duogátja ja histåvrå birra. Jáhkáv sjaddá viek geldulasj jahken. 

Masi ienemusát ávvudalá dán oahpestiddjejagen? 
Ienemusát ávvudaláv SAS Eurobonus gålle kårttåj. Håv, dat la iejvvit ietjá nuorajt gudi ávvudalli oahppat ienebut sámij birra, ja sijá gatjálvisájt vásstedit.

Mij la duv mielas ájnnasamos majt nuora Vuonan bierriji sámij birra máhttet? 
Jut sáme li ållu dábálasj ulmutja, valla viek moattebelaga. Mij lip álggoálmmuk, ja navti soajttá nágin mijájt adná vehi goaksusin, valla duodaj lip dábálasj ulmutja gudi årrop smáv bájkijn ja stádajn ja miján la iPhone. 

Gåk dahkat gå iehtjádij ságastahttjá?
Oasstet jiekŋadådjunav hehe. Valla duodaj de galggá javllat hei ja gatjádit moadda gatjálvisájt dån nuppe birra. Ulmutja iehttsi máj ietjasa birra sáhkadit, de la beri dav ávkástallat.

Majt dagá 10 jage duogen? 
Lågev jage duogen sávav lav ållim sivijlaekonåvmmååhpadusájn ja mujna l geldulasj barggo Áhkánjárgan. Goahte aktan gáhttojn, ja aktanårro.

Gev lidji válldet fárruj ávdas suolluj, ja manen?
Lidjiv buorre seŋgav válldám fárruj. Danen gå galgav máj ænndu guhkev dåppe liehket, de la máj vuogas njálgugit oadet gå dal állis vuordáv nágin muv gádju.

Gut la duv sáme åvddågåvvå ja manen?
Muv sáme åvddågåvvå la ieddne. Sån la muv ednagav arvusmahttám, ja viek ållo muv berustimes rievtesferdukvuoda ja jæbddásasjvuoda åvdås lav iednes oadtjum.