Muv namma le Ida Emilie Marakatt Lindseth, ja mån lav 19 jagák. Bajássjaddam lav Lillestrøman, jur Oslo ålggolin. Dánssam lav dallutjis gå lidjiv viek unne, dat la agev læhkám muv vájmmelisvuohtan. Mån lav gilpustallam alla dásen Freestyle ja Disco Dans suorgijn Vuonan ja ålggorijkan, ja mån lav viek vissjalis.
Muv æjgáda boahteba goappátja sáme guovlojs, ieddne Gárasavvonis ja áhttje Kárášjågås, valla iesj lav stádan bajássjaddam. Bajássjattadijn iv la sámástam, valla válljijiv sámegielav oahppagoahtet nehta baktu gå joarkkaskåvllåj álggiv. Dánssamij duodden lav vissjal sáme nuorajorganisasjåvnån Noereh, mij munji le læhkám degu uksan sáme sebrudahkaj ja værmádahkaj stuorra stádan.
Viek suohtas la gå muv li válljim oahpestiddjen dán jage. Ávvudaláv ednagit oahppat ienebut ietjam kultuvra birra, ja manádit lándav miehtáj dáv máhtov gilvedittjat iehtjádijda sámij åvdåstiddjen. Sávav oahpásmuváv ienep guovlojda sihke Sámen ja ietjá sajijn Vuonan, ja ávvudaláv ådå ulmutjijt iejvvitjit. Jáhkáv sjattav oahppat viek ålov dán jage. Hásstalusá dávk aj ihti, valla aj viek buorre muossádime ja åtsådallama.
Oanegattjat muv birra
Masi ienemusát ávvudalá dán oahpestiddjejagen?
Ávvudaláv manádittjat duoppen dáppen skåvlåj guossen. Sjaddá miellagiddis gullat majt oahppe ja iehtjáda imájdalli, ja jus soajttá bukti hásstaliddje gatjálvisájt midjij.
Mij la duv mielas ájnnasamos majt nuora Vuonan bierriji sámij birra máhttet?
Muv mielas la ájnnasamos majt nuora bierriji sámij birra diehtet, ahte ep vieso degu mijá máttaráhko ja -ádjá dahkin 100 jage dássta åvddåla. Ep låvdagådijn åro ja ælla juohkkahattjan boahttsu.
Gåk dahkat gå iehtjádij ságastahttjá?
Sámen: gávnada jus lihpit fuolke. Ietján: gehtjada li gus dunnun aktisasj rádna Facebookan ja Instagraman.
Majt dagá 10 jage duogen?
10 jage duogen sávav lav ájn vil ienebut vuojnnám væráldis, ja ihkap bargav rijkajgasskasasj orgánan ienep kultuvraj. Luluj hávsske barggat duola degu ålggorijkkadievnastusán diplomatijjajn, jali iemeálmmukháldadusájn ja riektáj.
Gev lidji válldet fárruj ávdas suolluj, ja manen?
Buorre pennav ja gassa tjállemgirjev! De máhtáv girjev tjállet mav iehtjáda soajtti maŋŋela gávnnat ja låhkåt.
Gut la duv sáme åvddågåvvå ja manen?
Muv sáme åvddågåvvå la Agnete Saba. Sån la viek tjiehppe lávllot, ja iesj viek buoragit lijkkuv “Oro jaska beana” lávllagij, valla mij suv dahká åvddågåvvån munji la gå nav rahpasit giehttu ietjas psykalasj hásstalusáj birra karriera nalluj. Muv mielas lij aj viek buossje gå dijmmá váldij ruopptot ietjas sáme fuolkkenamáv Saba.