Mån lav Emma Elliane Oskal Valkeapää, 21 jagák Guovdageaidnus ja Gárasavvonis svieriga biele Sámes. Vádtsiv mánáj- ja nuorajskåvlåv Guovdageaidnun ja jåhtiv Råmssåj váttsátjit Medijá ja guládallam joarkkaskåvlåv. Barggam lav duov dáv ja ållijiv aj jahkeoahpov “sámegiella iednegiellan” Råmså universitiehtan.
Bajássjaddam la Guovdageaidnun, unna sáme bájkásj gånnå ienemusá sámásti ja gånnå sámevuohta la luondulasj oassen árggabiejves. Bajássjaddiv sámegielajn, kultuvrajn, ællobargojn, biebmoj, biktasij ja oahppiv juojggat muv fuolkijs ja familjas, dassta lav viek gijttogis. Lav aj lávllagijt tjállám ja lávllum dallutjis gå lidjiv 10 jagák, danen la musihkka ja luohte muv vájmo ássje.
Ietján lijkkuv luondon liehket, guollit, dánssat ja lávllot buorre musihkkaj, vuojŋadallat ja dokumentárajt jali rájdojt gæhttjat, liehket sjuggelis ja duodjuhit, festiválajn gålggåt ja rádnaj siegen liehket. Ávvudaláv åhpatjit ienep sáme kultuvra, histåvrå ja sebrudagá birra ja ávvudaláv manádittjat Vuonarijkav birra, skåvlåjt guossidit ja ådå ulmutjijt iejvvitjit. Sávav mijá barggo sáme oahpestiddjen luluj dahkat væráldav unnin buorep sadjen!
Masi ienemusát ávvudalá dán oahpestiddjejagen?
Oahppat ienep sáme kultuvra, histåvrå ja sebrudagá birra, ja bessat dáv vas åhpadit divna skåvlåjda majt galggap guossidit jage nalluj!
Mij la duv mielas ájnnasamos majt nuora Vuonan bierriji sámij birra máhttet?
Mij lip akta álmmuk sierra kultuvrajn, gielaj ja dábij ma viessu ja åvddåni ájge milta. Dålusj dábijt várajda válldep, valla válldep aj oasev ådå ja ådåájggásasj iellemvuogijda. Muv mielas la ájnas luojttet “mij ja sij” ájádallamvuogev ja farra vuojnnet mij lip gájka avtaárvvusattja vájku gudi jali gåsstå lip, álu la miján ienep aktisattjat gå majt jáhkká J
Gåk dahkat gå iehtjádij ságastahttjá?
Ájádallat ij la mige mij la hehpat, javllat juojddá mij la suohtas, ja de tjajmmat dassta mij la nav hehpat, dat agev doajmmá, haha
Majt dagá 10 jage duogen?
Jáhkáv lågev jage duogen ájádaláv lågev jage maŋus ja mujtudaláv dáv oahpestiddjejagev måjijn! Sávav ájn tjajmav ålov ja hávsskudaláv, buorre rádnaj ja bargav juojnak sjuggelis mij munji ålov merkaj.
Gev lidji válldet fárruj ávdas suolluj, ja manen?
Motåvrråvantsav..?
Gut la duv sáme åvddågåvvå ja manen?
Gávnnuji máj moadda sáme artista, dájddára, aktivista, jus ållu riekta gájka gudi rahtji dan åvdås mav miejnniji ja massta berusti. Valla akta nissun gev guddnedav suv musihka, tjiegŋalis tevstaj ja suv bargo åvdås gå sáme musihkav ja kultuvrav væráldij gilvvá, la Mari Boine. Sån rahpá uvsajt midjij nuorra sámijda gudi tjuovvop.