Muv namma la Elle Rávdná Näkkäläjärvi, 19 jagák lav ja boadáv Guovddagæjnos ja Leammis. Leammin, suoma bielen de gulluv ællobarggofamilljaj ja Guovddagæjnon gulluv dálonfamilljaj (stuovesårro). Sjaddam lav bajás ja skåvlåv lav vádtsám sáme birrasin, gånnå sámegiella l ieneplåhkogiella.

Vádtsám lav Sáme joarkkaskåvlån ja ællobarggoskåvlån. Nuppát jagev lidjiv lånudimstudænntan USA:n, ja gå dalloj lidjiv nav guhkken ierit sijdas de dåbddiv man ájnas Sámeednam la munji. Maŋemus jage lav militeran læhkám ja dåbddåm gåktu la ájnna sábmen liehket. Bargon Juhlsa silbbasmirjon Guovddagæjnon lav guossijda subtsastam mijá kultuvra birra. Dat muv måvtåstuhtij oahpestiddjen åhtsåt.

Lijkkuv manádit ja ådå ulmutjijt iejvvit, ja ávvudaláv manádit Vuonarijkav miehtáj. Muv mielas la ájnas jut sierraláhkáj máná ja nuora Vuonan bessi oahppat ienebut sámij birra. Mijá kultuvrra la nav valjes ja moattebelak ja sidáv viehkken dav vuosedit. Jáhkáv aj besav oahppat ednagav ja jut sjaddi moadda suohtas vásádusá. Gijttevasj lav gå lav oahpestiddjen válljiduvvam ja ávvudaláv dán jahkáj.

Elle Rávdná Näkkäläjärvi li ådå sáme oahpestiddje! Oahpásmuvá ienebut sujna!

Oanegattjat muv birra:

Mij la duv mielas ájnnasamos sámij birra majt nuora Vuonarijkan e diede?
Jut sáme ælla “dåssju” gábdde, juojgga ja boahttsu. Valjes kultuvrra moadda miellagiddis åsij majt máhttá oahppat.

Gåk dahkat gå iehtjádij ságastahttjá?
Agev la suohtas dakkir hehpat «icebreaker ståhkusij». Jali manen ij galga álgget ietjas suohttasamos vásádusáj?

Majt dagá 10 jage duogen?
10 jage duogen sávav lav manádam ålov, vuojnnám vehi ienebut væráldis ja soajttá tjabu låhkåm åhpadiddjen jali juojddá. Soajttá galggap aj 10-jage reunionav dahkat oahpestiddjij?

Favoritt-tv rájdo?
Grey’s Anatomy! Dav lav ilá moaddi gæhttjam. Ietján li The Handmaid’s Tale ja Good Trouble aj viek buoraga.

Gut la duv sáme åvddågåvvå ja manen?
Muv åvddågåvå li Sofia Jannok, Mari Boine ja Ella Marie (Isák). Siján la edna buorre musihkka ja li gievras nissuna gudi rahtji dan åvdås mij sidjij la ájnas.

Guhtimusj sáme kjendisij la dujna crusha?
La gus loahpe javllat nuorra Áillohaš? Jáhkáv riegádiv 50 jage ilá maŋŋet, hehe. Ietján Sofia Jannok, sån la duodaj åvddågåvvå!

Masi ienemusát ávvudalá dán oahpestiddjejagen?
Ávvudaláv barggat oahpásmuvvat ietjam guojmme-oahpestiddjij, manádit ja Vuonarijkav gehtjadit, subtsastit sáme kultuvra birra ja oahppat duov dáv. Diedá ávvudaláv juohkka diŋŋgaj!